RUS
SMARTNEWS.KZ басылымының хабарлауынша, өнер иесі Жұлдызай Дүйсенбиева қайнысына бата берген сәтін жариялады.
Бейнежазбада Қап-Қара Әли атымен танымал блогер актрисаға құшақ гүл мен құны 5 млн-нан бастап 15 млн-ға дейін жететін Cartier білезігін сыйлап жатқанын көруге болады.
Әли бата сұрап келіпті. Қазақта қыз бала бата бермейді дейді. Дегенмен шын ниетіммен сәттілік тіледім! Көңілім қатты босады. Бірақ бұл өмір, бірге тумақ болғанымен, бірге жүрмек жоқ деген!!!, - деп жазды актриса.
Күтпеген жерден бағалы сыйлық алған өнер иесі жылап қалды.
Адамды осылай жылатуға бола ма? Бұл ешқандай қоштасу емес. Бірақ Әли көрегендігін, тәрбиелігін көрсетіп жатыр. Анасына, әкесіне рахмет. Бұл көңіл, тағы да ойламаңыздар, «Жұлдызай алтын көргесін жылап жатыр» деп.
Бата сұрап келген баладан айналасың ғой. Алла жолыңды ашсын. Менің батам түк емес қой, - деді актриса.
Бейнежазбаға көпшілік оң пікірін жазды.
«Әли жарайсың әпшеңді қуантып», «Неге бермеске әпшесі лайықты болса Жұлдызай айналайын рақмет саған Алланың нұры жаусын!», «Мен неге жылап отырмын?!», «Жаным сол жүрегің кең аңқылдап арпылдап қалған өзіңнен бұрын өзгені ойлайтын қасиетің бар екен», - деп жазды оқырмандар.