RUS
SMARTNEWS.KZ басылымының хабарлауынша, Абай ауданының мамандандырылған мектеп-гимназия-интернатының мұғалімі Ерқанат Сaдуханов Eraholic лақап атымен танымал.
Жақында оған әлемге әйгілі испандық әнші Розалиядан жаңа әнді бірге жазуға ұсыныс түсті. Розалия Latin Grammy Awards 2022 марапатынан 4 жүлде, Grammy-ден 2 жүлде, ал MTV премиясынан 3 жүлде иеленген әлемдік жұлдыз.
Eraholic бұрын танымал шетелдік әнші Dua Lipaмен жұмыс істеген. Енді өз қабілетін тағы шыңдап, өзін жаңа бағытта сынап көрмек. Оның айтуынша, әнші өзі ұсыныс айтып байланысқа шыққаннан кейін бірге жұмыс істеуге келіскен.
Болашақ туынды Қазақстанда танымал болып келе жатқан реггетон стилінде латын мотивтерінде жазылады. Сонымен қатар Ерқанат қазір басқа да ірі шетелдік әртістермен келіссөздер жүргізуде. Әсіресе жас әртістермен бірге жұмыс істеп келеді.
Айта кетейік, Ерқанат Садуханов мектепте биология пәнінің мұғалімі, 7-10 сыныптарда сабақ береді. 10 жылға жуық әндерге аранжировка жазумен айналысады.