«Тұрмысқа шығуға келіспеген соң, зорлаған»: Шымкентте 20 жастағы қызды алып қашты
Қыз көнбеген соң оны зорлап тастаған.
SMARTNEWS.KZ басылымының хабарлауынша, Шымкентте 20 жастағы қызды алдымен үйлену мақсатында ұрлап әкетіп, кейін зорлаған.
EGOV.PRESS-тің Telegram арнасы таратқан ақпаратта қыз тұрмысқа шығуға қарсы болғаны айтылады.
Шымкенттік ер адам алдымен 20 жастағы қызды ұрлап әкеткен, қыз келіспеген соң, оны зорлаған. Жігіттің туыстары қыздың ата-анасына «қуанышты» хабарды жеткізіп, жәбірленушінің жақындары екеуін үйлендіруге келіскен. Алайда қызды құрбылары құтқарып қалды, - деп жазылған Telegram арнада.
Шымкент полиция департаменті осы фактке қатысы бар тұлғалардың полицияға жеткізілгенін хабарлады.
Оқиғаның барлық мән-жайын анықтауға бағытталған тергеу шаралары жүргізіліп жатыр.
Материал авторы
