RUS
SMARTNEWS.KZ басылымының хабарлауынша, білікті дзюдошы Әбиба Әбужақынова қолаға таласпақ.
Алғашқы айналымда Әбиба Әбужақынова Израиль спортшысы Широ Ришониға қарсы күресіп, вазари әдісімен жеңіп, екінші кезеңге шыққан болатын.
48 келі салмақ дәрежесінде өнер көрсететін Әбиба екінші айналымда тайпейлік дзюдошы Линь Чэнь-хаомен күресті. Ол 19 секундта қарсыласын иппон әдісімен сұлатып түсірді. Осылайша Әбиба ширек финалға өтті.
Ширек финалда Әбиба испан дзюдошысы Лаура Мартинеспен белдесіп, жеңіліп қалды. Осылайша жартылай финалға шыға алмады.
Сонымен қатар дзюдодан қазақстандық Елдос Сметов (60 кг) жартылай финалда белдеседі. Ал Әбиба Әбужақынова қола медаль үшін алдымен жұбаныш кездесуіне шығады, онда қарсыласын жеңсе, қола медальға таласады.
Жартылай финал мен финалдық белдесулер Астана уақытымен 19:00-де басталады.
Еске сала кетсек, Әбиба 2022 жылғы әлем чемпионатының қола жүлдегері. Сондай-ақ 2021 және 2022 жылдардағы Азия чемпионаттарының күміс жүлдегері.