RUS
SMARTNEWS.KZ басылымының хабарлауынша, білікті дзюдошы Әбиба Әбужақынова қола үшін белдесуде жеңіліп қалды.
Алғашқы айналымда Әбиба Әбужақынова Израиль спортшысы Широ Ришониға қарсы күресіп, вазари әдісімен жеңіп, екінші кезеңге шыққан болатын.
48 келі салмақ дәрежесінде өнер көрсететін Әбиба екінші айналымда тайпейлік дзюдошы Линь Чэнь-хаомен күресті. Ол 19 секундта қарсыласын иппон әдісімен сұлатып түсірді. Осылайша Әбиба ширек финалға өтті.
Бірақ ширек финалда Әбиба испан дзюдошысы Лаура Мартинеспен белдесіп, жеңіліп қалған еді. Осылайша ол жартылай финалға шыға алмады.
Кейін Әбиба Әбужақынова қола медаль үшін алдымен жұбаныш кездесуінде парагвайлық Габриэла Нарваэспен шығып, онда қарсыласын бірден жеңді. Артынша ол қола медаль үшін швед дзюдошысы Тара Бабульфатпен күресіп, қарсыласына беріліп қойды.
Осылайша Әбиба ХХХІІІ Жазғы Олимпиада ойындарын бесінші орынмен аяқтады.
Еске сала кетсек, Әбиба 2022 жылғы әлем чемпионатының қола жүлдегері. Сондай-ақ 2021 және 2022 жылдардағы Азия чемпионаттарының күміс жүлдегері.