RUS
SMARTNEWS.KZ басылымының хабарлауынша, іс Астана қаласының әкімшілік құқық бұзушылық істер жөніндегі мамандандырылған ауданаралық сотында қаралуда.
Адамбайға діни ғимараттарды салу, ғимараттарды діни мақсатта қайта тағайындау, функционалдық мақсатын өзгерту бойынша Қазақстан заңнамасын бұзды деп айып тағылған.
Сонымен қатар, әділет органдарында жарияланған материалдарда “Діни әдебиетті және діни мазмұндағы өзге де материалдарды әкелуге, өндіруге, шығаруға, басып шығаруға және (немесе) таратуға қойылатын талаптарды бұзу” бабы бойынша да айып тағылып отыр.
Аталған құқық бұзушылықтар үшін: жеке тұлғаларға – 50 АЕК мөлшерінде (2024 ж. 184 600 теңге), заңды тұлғаларға – 200 АЕК мөлшерінде (2024 ж. 738 400 теңге) айыппұл қарастырылған.
Істі тыңдау 1 тамыз күні WhatsApp мессенджері арқылы мобильді бейнеконференция арқылы өтеді деп жоспарланған.