RUS
SMARTNEWS.KZ басылымының хабарлауынша, Марат Әйтеновтің ісіне қатысты сот отырысында жәбірленуші Дана Әтешова үйден шығарудың алдында баспана дайындап қойғанын айтты. Бұл туралы Azattyq Rýhy жазды.
«Марат Әйтенов ұлына сыйлаған пәтерге көш деп ұсынды. Ал ол іс жүзінде белгісіз біреудің үлесі бар пәтер болып шықты. Біз ол үйге көшсек, бәрібір далада қалатын едік. Ол жерге көшу үшін бірқатар шарт қойды. «Әлеуметтік желіде менен кешірім сұрап, айтқаныңның бәрі жалған деп айтуың керек» деп талап қойды. Бірақ, мен көшіп баратын баспана дайындап қойғамын. Мәселе қай жерге көшетінімізде емес, қалай көшетінімізде болды. Мен өзімнің жеке заттарыма бөтен біреудің тиіскенін қаламадым», - дейді Дана Әтешова.
Марат Әйтеновтің қорғаушысы 12 шілде күні болған оқиғаға қатысты полицияның әрекетіне қатысты да қосымша сот отырысы болып жатқанын айтты.