RUS
SMARTNEWS.KZ басылымының хабарлауынша, Атырау облысы, Жылыой ауданына қарасты Шоқпартоғай селосында жан түршігерлік оқиға болды.
Қондыбаева А.Ж. есімді ауыл тұрғынына көршісі Аманжулов Т.Ш. келіп зәбір көрсетіп, үйдегі жинап отырған ақшасын ұрлап кеткен. Бұл туралы жәбірленушінің туыстары әлеуметтік желіде хабарлап, көпшіліктен көмек сұрады.
Шоқпартоғай ауылының тұрғыны, ауылдың беделді азаматшаларының бірі Қондыбаева Амандық Жұмалықызына көмектесулеріңізді сұраймыз. Жұмалықызының үйіне 2.08.2024 күні тапа-тал түсте көршісі, қаскөй Аманжулов Темур Шайхиевич қолына резеңке қолғап киіп, асүй пышағымен келіп, тамағына пышақ тақап “Қарызымды өтеу үшін ақша бересің. Бермесең, сені бауыздап өлтіремін. Кейін өзімді өлтіремін” деп қорқытқан. Онымен қоймай айыпталушы жәбірленушінің әлсіздігіне қарамастан, азаматша Амандықты аяусыз соққыға жығып, басын бірнеше рет таспен ұрып, фундаментке соғып, үйде сақтап отырған қомақты қаржысын жымқырып кетті. Қанішер Темур өз ісін жасап алған соң ақшаны алып оқиға орнынан қашып кеткен. Ал Жұмалықызы Амандық болған жағдайдан соң аудандық ауруханада басы жарылып, жансақтау бөліміне түсті. Ол әлі де ауруханада жатыр!
Осынша жауыз әрекеттерінен соң біз әділдік болады, іс оңынан шешіледі деп күткен едік, бірақ арампиғылды Темур жақтастары арқылы жеңіл жазамен құтылып кетті!, - деп жазды Instagram желісінде Айнұр есімді қолданушы.
Белгілі болғандай, арада екі күн өткен соң онлайн режимде сот өтіп, айыпталушыны сот үйқамаққа алып, осылайша Аманжулов Т.Ш. жазадан оңай құтылып кеткен.
Осынша жауыз әрекеттерінен соң біз әділдік болады, іс оңынан шешіледі деп күткен едік, бірақ арампиғылды Темур жақтастары арқылы жеңіл жазамен құтылып кетті!
Бүгін сот отырысы онлайн өтіп, бұрында да істі болған айыпталушы Темурды темір торға қамап, ұрлаған ақшасын қайтартудың орнына, сот оны үйқамаққа жіберген. Біз, Амандық Жұмалықызының жақындары мен туыстары бұл әділетсіз шешімге келіспейміз!, - дейді.
Сондай-ақ жәбірленуші әйел адамның туыстары айыпталушыдан ұрланған ақшаны қайтарып, зәбір көрсеткені үшін моральдық шығынды өтеуін немесе темір торға қамалуын сұрады.
Егер Темур өзінің арам пиғылын тағы қайталап Жұмалықызына жәбір көрсетсе ше? Оған психикалық және физикалық күш көрсеткенін қайталаса ше? Біз оның Жұмалықызының үйінен тонап кеткен 600 000 теңгені қайтарып, моральдық шығынды өтеуін сұраймыз! Біз оның Қылмыстық кодекстің 191 бап Тонау бойынша және 107 бап Қасақана адам денсаулығына зиян келтіргені үшін қамауға алынуын талап етеміз!
Біз жауыз Аманжулов Темурдың үйқамақ арқылы тиісті жазадан құтылып кетуіне қарсымыз!, - деп жазды олар.
Әзірге болған іске қатысты аудандық сот пен полиция департаменті пікір білдірген жоқ.