RUS
SMARTNEWS.KZ басылымының хабарлауынша, елімізге танымал стендап комик Александр Меркуль 10 тәулік қамауда отырып, бүгін бостандыққа шықты.
Соттың шешіміне сүйенсек, ол 2024 жылғы 7 маусымында мейрамханалардың бірінде бейәдеп сөздер қолдана отырып «Жаңа Қазақстан» туралы айтқан әзілі үшін 10 тәулікке қамалған болатын.
Әзілкештің өзі әлеуметтік желіде бостандықта екенін жазды.
«Мен үйдемін. Қолдау білдіргендердің бәріне рахмет! Бәріңді жақсы көремін», - деп жазды ол.
Аталған жағдай туралы қоғам белсендісі, журналист Әсем Жәпішева пікір білдірген еді.
Бірауыз сөз үшін қамауға алу – кеше ғана басталған жоқ. Жай ғана бұрынғы сөздер басқа еді. Әділ сайлау туралы, адам хақы туралы, саяси тұтқындар туралы, реформалар туралы сөздер еді. Ендігі кезек әзілдейтіндерге келді, - деп жазды қоғам белсендісі.