RUS
SMARTNEWS.KZ басылымының хабарлауынша, этникалық қазақ Тайлақ Нұражы Қытайда өтетін турнирдің басты кездесуінде жекпе-жекке шығады.
Кәсіби мансабындағы он үшінші жекпе-жегін өткізетін отандасымыз Shui Combat-1 турнирінің басты жекпе-жегінде өнер көрсетеді. Тайлақ қазақстандық спортшы Кирилл Карпекинге қарсы жұдырықтасады. Тайлақ та, Карпекин де соңғы жекпе-жегін Ақсу қаласында өткен WKG & M-1 Global турнирінде өткізген. Тайлақ жеңіске жетсе, Кирилл ұтылып қалған еді.
Айта кетейік, Тайлақ Нұражы Naiza 57 турнирінде бразилиялық Дуглас Пуманы ауыр нокаутқа жіберіп, қазақстандық жанкүйерлердің жадында жарқын жеңісімен қалған еді.