«Іске Тоқаев араласты»: Мұрат Әуезовтің ақтық сапарын Әуезов театрынан шығаруға тосқауылдар болған (ВИДЕО)

SMARTNEWS.KZ басылымының хабарлауынша, Мұрат Әуезовті шығарып салуға Әуезов театры әзер рұқсат берген. Бұл туралы Ермек Тұрсынов Ulysmedia-ның YouTube арнасына берген сұхбатында айтты.

– Театрды әрең дегенде бергізді ғой. Балаева (Мәдениет және ақпарат министрі) “болмайды, қазір ережелеріміз өзгерді, керек болса анау мешіттен шығарыңдар” деп жатыр деді. Қалай сен Мұрат Әуезовті мешіттен шығарасың? Анау Ғаділбекті шығарды ғой.

Сондай әңгімелерге дейін жетті. Оны ешкім білмейді. Тіпті Тоқаевқа дейін сол әңгіме жетті. Сонда егер президент араласпаса, мыналар қақайып тұрып алатын еді.

Әуезов болғаннан кейін Әуезов театрынан шығару керек қой. Алдында ескерткіші тұр әкесінің. Мұрат тек отбасының Мұраты емес, бүкіл қазақтың Мұраты емес пе!? – дейді Ермек Тұрсынов.