RUS
SMARTNEWS.KZ басылымының хабарлауынша, көптің көзіне түсе бермейтін әнші Мақсат Базарбаев осыдан 20 жыл бұрынғы естелік фотосын көрсетті.
Өнер иесі алғаш сахнаға “МузАрт” тобымен шығып, кейін жеке әнші болып кеткен еді.
“Бұл – “МузАрт” тобы. Бұл да бір дәурен екен. Күйбең тірлік деп жүргенде жаз мезгілі де мәресіне жақын қалды”, – деп жазды әнші.
Желі қолданушылары эстрада өкілінің топқа қайтып келуін тілеп, жарыса жазып жатыр.
“Мақсаттың орны ерекше еді”, “Триодан квартет жасауға болады емес пе?!”, “Сен болғанда “МузАрттың” әндерін тыңдаушы едік”, “Кенжебек ренжіп қалып жүрмесін”, “Мақсатты топқа алу керек, даусы ерекше”, “Махаббат гүлі солмайды” деп жүрген кездер-ай”, – деп жазды көпшілік.