RUS
SMARTNEWS.KZ басылымының хабарлауынша, ақпарат көздері видеоны қаладағы сауда орталықтарының бірінің жалға алушылары таратып жатқанын айтады. Алматы полиция департаменті қалада биыл және былтыр болған әртүрлі оқиғаның бар екенін айтты.
Құқық қорғау органдарының мәліметінше, видеолардың бірінде жеке өшпенділік негізінде жасалған кісі өлтіру көрсетілген. Осы қылмысқа күдікті ретінде бұрын сауда үйінде күзетші болып жұмыс істеген М есімді азамат ұсталды. Ол уақытша ұстау изоляторында қамауда отыр.
Тағы бір видеода сауда орталығының күзетшілері мен ғимаратқа рұқсатсыз кірген жүк көлігінің жүргізушісі арасындағы жанжал көрінеді. Осы жанжал кезінде күзетші жүргізушінің бетінен ұрған. Бұл факті бойынша тергеу амалдары жүргізіліп жатыр. Алайда полицейлердің айтуынша, оқиғаға қатысушылардың ешқайсысы құқық қорғау органдарына хабарласпаған. Бұл оқиға 2023 жылдың тамыз айында болған.
Сонымен қатар видеороликтердің бірінде сауда үйінің күзетшісі сол М-ның әкімшілікпен мәселені талқылауға жиналған бір топ адамға оқ атқаны байқалады. Атыс салдарынан ерлердің бірі жараланған. Бұған қарамастан полицияға да мәлімдеме жасалмаған. Алдын ала мәлімет бойынша оқиға 2023 жылдың шілде айында болған. Полиция тергеу жүргізіп жатыр.
Бұдан бөлек жалға алушы мен сауда ғимаратының күзетшісі арасындағы жанжал, оның барысында жалға алушының жарақаттануы бойынша қылмыстық іс қозғалды. Күзетші қамауға алынып, сот-медициналық сараптама тағайындалды. Бұл оқиға 2024 жылдың тамыз айында болған.