«Ақшасы жоқ адамдардың киносына түспеймін»: актриса Нұргүл Мыңғатова кинода қанша гонорар алатынын айтты

SMARTNEWS.KZ басылымының хабарлауынша, Нұргүл Мыңғатова негізгі табыс көзі туралы сөз қозғап, театр мен кинодағы гонорары туралы айтты. Өнер иесі бүгінде фильмдерге қатысты нақты бағасын бекітіп, соны төлей алатындармен ғана жұмыс істейтінін жеткізді. 

Нұрғүл Мыңғатова табысы туралы Динара Сәтжанға берген сұқбатында айтты. Актриса гонорарын төлей алмайтындардың киносына түспейтінін жасырмады. 

"Қазір театрда 100 мың теңгедей жалақы аламын. Себебі айына 2-3 рет қана барып, рөл ойнаймын. Ал кинода өзім келісемін. Бағамды өзім айтамын. Пробаға шақырса, бірден "Ақшаларыңыз бар ма? Төлей аласыздар ма?" деп айтамын. "Енді бастап жатырмыз" дейтіндер де бар. "Ақша аз" десе, "Жарайды онда, менде уақыт жоқ" деп айтамын. Өйткені біз қазір сондай кезге жеттік. 

Студент кезімізде күнкөріс, бастама болды. Барасың, түсесің, тәжірибе аласың. Ал қазір қашанғы тәжірибе алып жүре береміз? Мен тәжірибем мол, бәрін қатырамын деп айта алмаймын. Бізге үнемі ізденіс үстінде жүру керек. Бірақ еңбегіңді өзін де бағалай бастайды екенсің. Таңнан кешке дейін оңай емес", - деді өнер иесі.