RUS
SMARTNEWS.KZ басылымының хабарлауынша, Lumiere-Hall музейінің негізін қалаушы Полина Егарминнің айтуынша, биыл сюрреализмге, әлемдік бейнелеу өнеріндегі авангардтық бағытқа 100 жыл толады.
Оған қоса, биыл әлем сюрреализмнің ең көрнекті шеберлерінің бірі Сальвадор Далидің туғанына 120 жыл толады.
«Қазір бүкіл әлемде көрмелер мен жәрмеңкелер өтіп жатыр, журналдарда тұтас нөмірлер осы тақырыпқа арналып, кітаптар мен альбомдар шығарылуда. Бүгінде Еуропаның, АҚШ-тың, Азияның кез келген үлкен қаласы сюрреализммен өмір сүреді. Біз Қазақстанның да осы әлемдік сюрреализмді тойлау картасына енгенін қаладық», - дейді Полина Егармин.
Көрмеде жеке коллекционер жинаған 61 түпнұсқа графикалық туындылар жинағы бар.
«Бұл топтаманы елімізге әкелу үшін көп күш жұмсадық. Туындылар түрлі музейге көрмеге беріледі және біз өз кезегімізді бір жыл күттік. Жеке коллекционер бұл жұмыстары 10 жыл бойы жинақтаған. Музейлерден, жеке коллекционерлерден, тіпті диванның артынан кездейсоқ табылған жұмыстар бар», - дейді спикер.
Экспозиция құрамына «Кармен», «Алисаның ғажайыптар елінде», «Далиниан жылқылары», «Махаббат трилогиясы» серияларының литографиялары, сондай-ақ Педро де Аларконның «Треуголка» повесіне арналған 20 иллюстрациясы енген.
Музей басшысының айтуынша, Сальвадор Дали өзінің картиналарымен ғана емес, көптеген өнертанушылар атап өткен эксцентристік ерсі қылықтарымен де танымал болды.
«Ол суретші ме, әлде шоумен бе – бұл туралы барлық өнертанушылар, мәдени қайраткерлер пікір таластырып келеді. Дали мен Пикассо өмірде өте танымал және табысты болды. Барлығы олардың жұмысын қалағандықтан туындылар қолжетімді болуы үшін баспа графикасына көшті. Бұл өнерді элиталық емес, қолжетімді етуге тырысқан алғашқы суретші және бұл да өте маңызды», - деп қорытындылады П. Егармин.
С. Дали туындыларының көрмесі 29 қыркүйекке дейін жалғасады.