RUS
SMARTNEWS.KZ басылымының хабарлауынша, Ермұрат Бапи сарбазға қатысты жанжал жасанды түрде өрбіп жатқанын, әскери немесе медицина өкілдерінің бірі әдейі теріс ақпарат таратуы мүмкін екенін айтады.
Сонымен қатар әскерилер неге Ербаянға жөргек сияқты қажетті күтім құралдарымен қамтамасыз етілмейді деген журналист сұрағына пікір білдірді.
"Жігіттің мұндай жағдайға тап болғанына өте өкінішті. Дегенмен, менің ойымша, әскер немесе медицина өкілдерінің бірі бұл балаға қасақана жасап отырған секілді. Мұндай жағдай болу мүмкін екен. Қазір әлеуметтік желі түрлі қаңқу сөздер толып жатыр. Әйтпесе “памперсті” кез келген дүкеннен сатып алуға болады", – деп жауап берді депутат.
Бұған дейін денсаулық сақтау министрі Ақмарал Әлназарова ведомство сарбаздың жағдайын қадағалап, көмек көрсетуге дайын екенін, бірақ жөргек беру мәселесі еңбек министрлігі мен әкімдіктердің құзырында екенін айтқан.
Бүгін бұл оқиғаға қатысты депутат Ермұрат Бапи күмәнмен қарайтынын айтты.