RUS
SMARTNEWS.KZ басылымының хабарлауынша, өнер иесінің айтуынша, әкесі ұстаздық қызметті тастап, мұнай саласына ауысқан көрінеді.
“Менің әкем ұстаздық еткен адам еді. Кеңес өкіметі құлаған шақта, тұрмыс-тіршілік қиындай бастағанда, бізді яғни алты баласын, жоғарғы оқуға оқыту үшін, ұстаздықтан мұнайшылыққа ауысты. Вахталық әдіспен жұмыс жасады.
Сол мұнай саласынан құрметті зейнетке шықты. Маған мұнайшының қызы ретінде бүгінгі мереке өте ыстық. Мен Мұнайшылардың кен орнына алғаш барып ән шырқағанда бесінші сыныпта едім. Содан міне әлі шырқап келе жатырмын, шүкір. Батыстағы кен орындардың басым көпшілігін аралап, қара жердің қойнауын қазып жатқан мұнайшыларға талай өнерімді паш еттім. Олардың соққан алақандарының ыстық ықыласы мәңгі менің жүрегімде”, – деп жазды әнші.
Сонымен қатар қазба байлықты қазып жүрген сала мамандарын кәсіби мерекесімен құттықтады.
“Мұнайшылар! Мерекелеріңіз құтты болсын! Еңбектеріңіз елеулі де, табысты болсын! Қазағымыздың қара алтыны болашақ ұрпаққа мұра болсын! Бүгін мен мұнайшылардың 125 жылдық мерейтойына арналған ауқымды концертте “Мұнайлы мекен” атты туындымызды орындадым”, – деді өнер иесі.