RUS
SMARTNEWS.KZ басылымының хабарлауынша, жас жұбайлар спортта танысып, кейін 2022 жылы шаңырақ көтерген. Қазір екеуі елордада тұрады. Мәди Амангелді жарының Париж төріндегі белдесуінде қасында болып, қолдау көрсеткен.
Қос ғашық Париждегі Эйфель мұнарасының алдында фотоға түсіп, әлеуметтік желідегі парақшаларына жүктеген. Айта кетейік, Ақмарал Науатбек Жамбыл облысы, Жуалы ауданында 1999 жылы өмірге келген.
Еске салайық, Ақмарал Науатбек финалдық бәсекеде франциялық спортшы Сандрина Мартинеден басым түсіп, алтын жүлдені иеленді. Ақмарал жартылай финалында түркиялық Джахиде Екені, ширек финалда үндістандық Кокиланы иппонмен жеңген еді. Президент Қасым-Жомарт Тоқаев Ақмарал Науатбекті жеңісімен құттықтап, жазба жариялады.