RUS
SMARTNEWS.KZ басылымының хабарлауынша, Қарағандыда екі жүкті әйел синтетикалық есірткіні көлікпен тасымалдаған.
Қарағанды облыстық полиция департаменті есірткі тасымалдаушылардың бірі Қарағандыдан шамамен 20 шақырым жерде ұсталғанын мәлімдеді. Оның көлігінің жүксалғышынан екі келіден астам синтетикалық есірткі табылған.
Тергеу барысында әйел тыйым салынған заттарды еліміздің оңтүстік облыстарынан әкелгенін мойындады. Полиция екінші курьерді қаланың ішінде ұстады.
“Екеуі де ауқатты отбасынан шыққан, табысы бар. Біреуі көпбалалы ана екен. Енді олар 10 жылға бас бостандығынан айырылды”, – деп мәлімдеді полиция.
Жыл басынан бері есірткі таратумен айналысқан 53 адам ұсталды.
Жыл басынан бері облыста ақпараттық ресурстар арқылы есірткі сату бойынша 71 қылмыстық іс қозғалса, оның 40-ы граффити арқылы жарнамалауға қатысты.