RUS
SMARTNEWS.KZ басылымының хабарлауынша, 135 жылдан астам уақыт бойы Johnson & Johnson бүкіл әлем бойынша денсаулық сақтау саласындағы өнімдер мен шешімдерді әзірлеп, жеткізіп келеді. Өзінің тәжірибесі мен құзыреттілігін көрсету үшін 2023 жылы компания фармацевтикалық тауарлар мен медициналық технологиялар бөлімшелерін біратпен біріктіру арқылы брендті жаһандық деңгейде жаңартты. Бұл ретте ұйым инновацияларға және денсаулық сақтаудың күрделі мәселелерін шешуге баса назар аударады.
Ребрендинг Johnson & Johnson үшін жаңа дәуірдің басталуын білдіреді, оның инновациялық медицина және медициналық технологиялар саласындағы тәжірибесі күрделі аурулардың алдын алу және емдеу үшін кеңінен қолданылады. Сонымен қатар, компания қатысудың барлық аймақтарында пациенттер үшін неғұрлым технологиялық, аз инвазивті және мүмкіндігінше жекелендірілген шешімдерді енгізеді.
Johnson & Johnson Kazakhstan ЖШС Бас директоры Әділет Назарбаев: "Біз Қазақстан нарығына 10 жылдан астамуақыт бойы қатысып келеміз және тарихымыздың жаңа парағының ашылғаны туралы қуана хабарлаймыз. Johnson & Johnson бірыңғай брендімен бизнесті біріктіру біздің құндылықтарымызға адал бола отырып және қазақстандық пациенттер мен дәрігерлер бізден күтетін қамқорлық деңгейін қолдай отырып, денсаулық сақтауды инновациялар арқылы қайта ойластыруға деген ұмтылысымызды білдіреді".
Енді компанияның екі сегменті – фармацевтикалық және медициналық технологиялар сегменті – Johnson & Johnson жалпы брендімен жұмыс істейді. Бұл ретте Janssen фармацевтикалық тауарлар бөлімшесі Johnson & Johnson Innovative Medicine атымен жұмыс істейтін болады, ал медициналық технологиялар бөлімшесі бұрынғы атауын – Johnson & Johnson MedTech сақтайтын болады.
Бүгінгі таңда компанияның фармацевтикалық сегменті нарыққа денсаулық сақтаудың болашағын өзгертетін революциялық емдеу әдістерін ұсына отырып, әлемде жетекші орынға ие. Johnson & Johnson Innovative Medicine онкология, иммунология, неврология, жүрек-қан тамырлары аурулары, өкпе артериялық гипертензиясы және торлықабық аурулары сияқты салалардағы ең күрделі аурулармен күресу және болашақ ауруларды емдеуде қолдануғаболатын дәрі-дәрмектерді әзірлеу үшін ғылыми білімді қолданады.