«Назарбаеваға арналған»: Медеу Арынбаев орындайтын «Дариға жүрек» әнінің шығу тарихын композитор ашық айтты

Аиса Махамбет Редактор
23.09.2024, 17:47
1656
«Назарбаеваға арналған»: Медеу Арынбаев орындайтын «Дариға жүрек» әнінің шығу тарихын композитор ашық айтты ашық дереккөзден

Әнді Серік Абас–Шах жаздырғанын айтты.

SMARTNEWS.KZ басылымының хабарлауынша, қазіргі таңда "Дариға жүрек" әні TikTok-та трендтен түспей тұр. "Жүректе жазылды Дариға есімің..." деген өлең жолдары бар әуен бір тыңдағанда лирикаға тұнып тұр, құдды бір қос ғашықтың махаббат хикаясына құрылған ба дерсіз… Алайда бұл туындының тарихы тым бөлек. KAZ.NUR.KZ тілшісі әннің авторы Бауыржан Есебаев және орындаушысы Медеу Арынбаевпен сұқбаттасып, ел естімеген эксклюзив ақпараттарды білді.

Осыдан тура 20 жылдан астам уақыт бұрын жарыққа шықса да, әлі күнге дейін көпшілік сүйсіне тыңдайтын "Дариға жүрек" әнінің авторы – Бауыржан Есебаев, ал халыққа танытқан орындаушы – Медеу Арынбаев. Сазгердің айтуынша, бұл туындыны 2003 жылы бұрынғы президенттің үлкен қызы Дариға Назарбаеваның төл мерекесіне орай арнайы тапсырыспен жазған екен.

"Негізі бұл ақпаратты бұрын ашық айтқан емеспін. Күндердің күнінде маған сол кездегі "Хабар" телеарнасының бас продюсері Серік Абас-Шах хабарласты да, телеарна жаққа келуімді өтінді. "Дариға Назарбаеваның туған күні келе жатыр. Соған бір ән жазып, клип түсіруіміз керек" деді. Сөйтіп тапсырыс алдым. Уақыт өтіп жатыр, Серік Абас-Шах та мені асықтырды. "Ән қайда, ән қайда?" деп күнде сұрайды. Әр әнді жазған кезде ізденесің ғой, сол кезде мен Мұқағали Мақатаевтың "Дариға жүрек" деген поэмасын көріп қалдым. Шығармадан қатты әсер алдым. Сол кезде осы "Дариға жүрек" деген ән жазсам деген ой келді. Әннің атауын солай таптым. Ал Мұқағали атамыздың "Дариға жүрек" поэмасы идеяның көзі болды. Содан кейін осы "Дариға жүрек" деген атауды алып, өзім әні мен сөзін жазып, Серік Абас-Шахқа өткізіп жіберсем деп жоспарладым. Әйтеуір Дариға деген аты тұр, оны Серік аға біле қоймас деп ойладым. Сөйтіп Серік Абас-Шах әнді қуана-қуана алып, сол сәтте-ақ ән өңдеуші Ринат Гайсинге берді", - дейді Бауыржан Есебаев.

"Дариға жүрек" әнін халыққа танытқан әрі алғашқы орындаушысы Медеу Арынбаев еді. Ол кісіге де продюсер Серік Абас-Шах шұғыл хабарласып, тез арада бұл әнді жарыққа шығару керегін айтыпты.

"Сөздің шыны керек, мен алғашқыда "Дариға жүрек" әні ел арасында бұлай таралады деп ойлаған жоқпын. Бұл ән Дариға Назарбаеваға арналған, яғни тапсырыспен жазылған. О баста әлі таныла қоймаған әуесқой композитор Бауыржан Есебаевтың гитарамен орындаған нұсқасын маған тыңдатты. Кассетада өте қарапайым дауыспен орындалған. Кейін студияда Ринат Гайсинмен әнді өңдеп, мен өзімнің стилімде орындап шықтым. Одан кейін клип түсірді. Бірақ мен бұл әнді Дариға Назарбаеваның алдында шырқап көрген емеспін, қандай да бір қаржылай сыйлық та алған емеспін. Ал сазгер Бауыржан Есебаевты қазір өте жоғары бағалаймын, композиторлық қабілетін мойындаймын", - дейді Медеу Арынбаев.

Экс-президенттің қызына ән арнаған Бауыржан Есебаев та Дариға Назарбаевамен өмірінде бір рет бетпе-бет кездеспегенін айтады. Бұл әннің қаламақысы ретінде продюсер Серік Абас-Шах сол кездегі жас композиторға 200 доллар төлепті. Сондай-ақ сазгерге әнді алғаш орындаған Медеу Арынбаев та, өзі жайлы туындыны тыңдаған Дариға Нұрсұлтанқызы да риза болған көрінеді.

"Иә, Дариға Назарбаевамен кездескен емеспін, ол кісі мен туралы білмейді деп те ойлаймын. Бірақ "Дариға жүрек" әнін қатты ұнатып, тыңдаған кезде жылап, жақсы қабылдапты. Серік Абас-Шахтан естідім. Ол кісі де әйел баласы ғой, эмоцияға беріледі. Әнде ол кісінің де жан-дүниесі тұр. Сондықтан мен "Ескі Қазақстанның" адамдарына ән жазғаныма ұялмаймын. Ал күндердің күнінде Медеу Арынбаев концерт берді. Сол концерттің алдында маған хабарласып, "Інім, маған келіп кет" деді. Сол кезде мен бардым, Медеу ағамен таныстым. Ол кісі қатты риза болды. Содан бастап Медеу ағамен танысып, араласып кеттік", - дейді композитор.

2003 жылдан бері Медеу Арынбаев "Дариға жүрек" әнін тыңдарманға кеңірек танытқан еді. Ал бүгінде аталмыш хитті Ғазизхан Шекербек, Қазыбек Құрайыш, Айгерім Ораз есімді отандық шоу-бизнестің танымал әншілері әртүрлі кавер нұсқада шырқап жүр.

«Енді Rolls-Royce алып береді»: Динара Сәтжан жаңа күйеуінің өзін қалай еркелететінін айтып берді Шымкентте бір топ еркек құлағы естімейтін қызды тапшанда зорлап, соны видеоға түсірген «Сүйеу болар әкең жоқ»: Меруерт Түсіпбаева IELTS-тан жоғары балл жинаған Мақпал Жүнісованың қызын үлгі етті Тұрсын Алагөзов өз қызметкерлеріне қымбат көліктер сыйлады (ВИДЕО) «Ақталғым келмейді»: актер өз әйелін ұрғанын мойындап, оның ата-анасынан кешірім сұрады (ВИДЕО) Декретке миллионмен шыққан 113 әйел сотталмақ Үкімет зейнеткерлердің несиесі кешірілсін деген талапқа жауап қайтарды Ақтөбеде ер адам трансформаторлар ұрлаған «4 машина, 4 пәтер, ғимарат»: Перизат Қайрат миллиардты қайда жұмсағаны туралы тізім жасалды «Анасы адвокат болғасын қорықтым»: танымал әнші Say Mo бұрынғы актер күйеуінен зорлық көргенін жайып салды «Құдайдан қыз болып оянуымды тіледім»: Атышулы Амилай балалық шағынан сыр шертті Журналист Сәуле Әбілдаханқызының қандастар «елді сатып кетеді» деген жазбасын полиция тексеріп жатыр «Екі жыл бұрын ажырасып кетті»: Динара Сәтжан жолдасымен некесін қиды Ақтөбеде марқұмның туыстары ағасын рұқсатсыз жерлеген екі ведомстводан өтемақы талап етті Әйелін бірнеше жыл сабаған дипломат Сәкен Мамаш Астанада тұтқындалды «Мектепте «мини юбка» киген қыздар жүкті болып жатыр»: Атышулы блогер мектепте орамалды рұқсат етпейтін заңға ренжіді Танымал актер әйеліне лифтіде шабуыл жасағаны үшін түсірілім алаңынан қуылды (ВИДЕО) Спортшы Сұлтан Заурбекке Шымкент қаласының әкімі демеушілік жасай ма? Қуандық Бишімбаевтың әкесі Таразда Bishimbayev University оқу орнын ашпақ Ақтауда өтіп бара жатқандар қызды зорламақ болған ер адамды тұрғындар ұстап алды