RUS
SMARTNEWS.KZ басылымының хабарлауынша, қазақстандық пайдаланушылар еліміздің әдемі жерлерінен тамаша кадрлармен және бірегей орындармен бөлісе отырып, ел бойынша саяхаттар туралы 24 мыңнан астам жарияланым жасады. Жобаның аясында ең креативті бейнелер жасап, бағалы сыйлықтарға ие болатын байқаудың үш жеңімпазы анықталды.
TikTok қазақстандықтарды туған елінің сұлулығымен бөлісуге, оның туристік әлеуетін дамытуға және саяхат үшін жаңа орындарды ашуға үнемі шабыттандыруда. Өткен жылы TikTok Kazakh Tourism және Республиканың Туризм және спорт министрлігімен серіктестікте #ГидПоКазахстану бастамасын іске қосты. Науқан аясында елдің әр өңірлерінен мәдени ұйымдар, мейрамханалар және басқа да мекемелер өздері туралы креативті бейне форматында мәлімдеп, жобаның интерактивті картасында Қазақстан туралы бейнегидтің бөлігіне айналды.
Бүгінгі таңда TikTok биылғы тамыздан қыркүйекке дейін өткен және платформа пайдаланушылары үшін ауқымды шығармашылық жарысқа айналған #ГидПоКазахстану жобасының кезекті кезеңін қорытындылауда. Байқауға қатысу үшін пайдаланушыларға үш тақырыптың бірі - қызықты орындар, тамақ және мәдениет бойынша #ГидПоКазахстану хэштегімен және өз өңірінің хэштегімен ұзақтығы 1 минуттан астам бейнені жариялау қажет болатын. Қатысушылар биік таулар мен даладан бастап мәдени көрікті жерлер мен заманауи арт-объектілеріне дейін түрлі қызықты жерлер туралы бейнероликтер түсірді. Жобаның аясында Қазақстан бойынша саяхат туралы 24 мыңнан астам бейнеролик жасалды. Жеңімпаздар пайдаланушылар ең көп өзара әрекеттескен - қараған, пікір жазған және ұнатқан ең креативті бейнелердің авторлары болды.
Rixos Water World Aktau қонақ үйінде үш күндік демалыс түріндегі, оған қосымша KOMPAS Touroperator-дан авиа билеттер ұсынды – бірінші орын және бас жүлдені @travelove100 аккаунтының авторы жеңіп алды. Арал теңізінің балықшылары туралы ролик креаторға жеңіс әкелді. Автор торларды орналастыру процесінің қалай жүріп жатқанын, қандай балықтарды аулауға болатынын, балықшылардың қандай қиындықтарға тап болатынын көрсетті, сондай-ақ Даниядан келген кәсіби мамандардың кезінде жергілікті балық аулауды үйреткенін айтты.
Екінші орынды креатор @zhuldyz_rakhmet иеленді, ол Қазақстанның ең биік сарқырамасы – Бұрқанбұлақ орналасқан Қора шатқалы туралы айтып берді. Оның төрт каскадының жалпы биіктігі - 168 метрді құрайды. Өз бейнеролигінде креатор сарқырамаға дейінгі егжей-тегжейлі бағытты көрсетті, ал қазақстандық табиғаттың әдемі кадрларын тәжірибелі туристің пікірлерімен қоса айьып отырды. Сыйлық ретінде бойжеткен Түркістандағы Karavansaray қонақ үйінде демалуға жолдама алады.
Үшінші орынды және Шымбұлақ тау курортына екі ски-пасс түріндегі жүлдені @baxacooking аккаунтының авторы иеленді, ол Қазақстандағы сазаннан жасалған әйгілі көкталдың рецептімен бөлісті. Көктал - балықты дайындаудың дәстүрлі қазақ тәсілі деп саналады. "Көктал" сөзінің өзі қазақ тілінен аударғанда "тал" дегенді білдіреді, себебі бастапқыда балықты талдың бұтақтарына төсеу немесе байлау арқылы ыстаған. Бүгінгі күні, отта арнайы қуыратын тұтқалы таба болмаған кезде, бұл тағам пеште де дайындалады.
"Мен #ГидПоКазахстану жобасы байқауының барлық қатысушыларына алғысымды білдіремін. Бейнеролик авторлары өзіндік ерекшелігін көрсетіп, туған өлкесінің туристік әлеуетін зерттеді. Саяхат туралы 24 мыңнан астам жарияланым табиғаттың алуан түрлілігін ғана емес, сонымен қатар бірегей тарихи-мәдени мұраны, бай тағам түрлерін де көрсетті. Еліміздің таңғажайып және әдемі жерлеріне деген қызығушылық үнемі артып келеді. Жыл сайын елімізге келетін шетелдік туристердің саны ғана емес, географиясы да артып келеді", - деді "Kazakh Tourism" ҰК" АҚ Басқарма Төрағасы Қайрат Сәдуақасов.
#ГидПоКазахстану жобасы өзекті болуда - 30 қыркүйекке дейін қазақстандықтар бастама хештегімен саяхаттауға арналған мәдениет, ас үй және орындар туралы өз роликтерімен бөлісуді жалғастыра алады және жағымды бонустарға ие болады. Сонымен, 30 секундтан бастап бір бейнені жариялаған авторлар профильдің тақырыптық жақтауына ие болады, ал 30 секундтан бастап екі немесе одан да көп бейнелер жасаған авторлар бейнені дамыту үшін купонға ие болады. Науқан ережелері туралы қосымша ақпаратты қолданбадағы жоба парақшасынан білуге болады.