Астанада 46 жастағы әйелдің үстіне лифт жақтауындағы қабырға құлады

SMARTNEWS.KZ басылымының хабарлауынша, деректерге сүйенсек, оқиға "Бұқар Жырау" тұрғын үй кешенінде болған. Денсаулық сақтау басқармасында ақпаратты растады.

"27 қыркүйекте жедел медициналық жәрдем бригадасы 1978 жылы туған әйелді №1 көпсалалы қалалық ауруханаға жеткізді. Бейінді дәрігерлердің қарауынан кейін зардап шеккен адам мидың шайқалуымен (париетальды аймақтың жұмсақ тіндерінің көгеруімен) ауруханаға жатқызылды. Жағдайы орташа, тұрақты", – деп хабарлады қалалық денсаулық сақтау басқармасы.