RUS
SMARTNEWS.KZ басылымының хабарлауынша, Әлемнің түкпір-түкпірінен келген кәсіпқойлар мен индустрия көшбасшыларын біріктіре алған осы бірыңғай алаңшада талқыланатын тақырыптардың фокусы да, өткізу географиясы да кеңейе түсті.
Мәселен, ARCHICA биыл, 2024 жылы 10 қазанда Алматыда, The Ritz-Carlton қонақ үйінде және 14 қазанда Ташкентте, Hyatt Regency отелінде өтеді.
Алматыдағы іс-шараның негізгі тақырыптары:
• Өңірлік білім беру және зерттеу хабтарының бүгіні мен болашағы
• Сәулет және қала құрылысы құралдары арқылы аумақтардың инвестициялық тартымдылығын арттыру әдістері
• Инвесторлар, девелоперлер және мемлекеттік органдар арасындағы кооперация тетіктері
• Мемлекеттік-жекешелік әріптестіктердің өзара іс-қимылы
• Сәулет білімінің сапасы, сәулетшілер мен дизайнерлерге арналған қосымша білім беру платформасы.
Панельдік пікірталастар барысында аумақтарды дамытуға жеке және мемлекеттік инвестицияларды тарту, білім беру архитектурасының адами капиталды дамытуға әсері, сәулет пен Super Skin өзара байланысы, қалалық ортаны абаттандыру мәселелері талқыланады.
Ташкентте сарапшылар келесі тақырыптарды қозғамақ:
• Туристер легіне арналған тартылыс нүктелері: ғимараттарды көрнекті ететін не нәрсе
• Қалалардың ДНК-сын не құрайды
• Тұрақты архитектураны құру және өзгермелі климаттық жағдайларда жасыл қағидаларды енгізу
• Болашақтың офистері.
ARCHICA сессияларына Еуропа мен Орталық Азияның сәулет және дизайн әлемінің жұлдыздары қатысады. Олардың қатарында Novaya Labs негізін қалаушы Иван Курячий, ирланд-поляк Тhe Big Picture бюросының серіктестері және сәулетшілері Роберт Чула, Магда Кмита және Андрей Баркер, жол қозғалысы инженері және Urban Movement негізін қалаушы Джон Дейлз, Search жобалау зертханасының негізін қалаушылар мен басқарушы серіктестері және Skoltech мамандары Екатерина Симакова мен Антон Захаров, AI амбассадор және Ind бас сәулетшісі Николай Фанеев, Lenz Architects директоры Дамир Үсенов, Saraiva + Аssociados португалдық фирмасының аймақтық директоры Сава Йович, жетекші британдық Haileybury мектебінің директоры Иан Хант, Basire Design Group негізін қалаушы Алексей Ивженко, "САД" сәулет студиясының негізін қалаушы Максим Олтян, "ARC Architects" сәулет бюросының басшысы Бобир Клычев және басқалары бар.Қазақстанның облыстары мен қалаларының, сәулет және құрылыс басқармаларының, сондай-ақ қалалардың дизайн-кодтарын әзірлеуге тартылған құрылымдардың бас сәулетшілері үшін конгресс аясында дәрістер блогы және "Қалалардың дизайн-кодтары" дөңгелек үстелі құрылды. Дөңгелек үстел жұмысына еліміздің түкпір-түкпірінен өңірлік атқарушы билік органдарының өкілдіктері қатысады. Дизайн кодтары сияқты елеулі қоғамдық маңызы бар мәселелерде мемлекеттік құрылымдардың хабардарлығын арттыру - конгрестің бірінші кезектегі міндеттерінің бірі.
ARCHICA 2024 миссиясы - аймақтың архитектуралық мұрасына назар аудара отырып, сәулет қауымдастығын қолдау және дамыту. Халықаралық конгресс үздіксіз білім алуға, тәжірибе алмасуға және кәсіби байланыстар орнатуға арналған заманауи платформа болмақ. Іс-шараға қатысушылар жаңа білім алуға , дизайн және сәулет саласындағы заманауи технологиялармен танысуға мүмкіндік алумен қатар, жаңа идеялар мен жобалардан шабыт алу, сондай-ақ өндірушілердің көрмесіне бару мүмкіндігіне ие болады.
Конгрестің толық бағдарламасы ARCHICA сайтында қолжетімді, онда сіз тіркеуден өтіп, осы маңызды іс-шараның қатысушысы бола аласыз.