RUS
SMARTNEWS.KZ басылымының хабарлауынша, оқиға таңғы уақытта болған. Жүргізуші әйел мас болған екен. Апаттың кесірінен 500-ден астам отбасы тұратын сегіз көпқабатты үй газсыз қалды.
Қызыл Мерседестің бар жылдамдықпен шұңқырға құлаған сәті бейнебақылау камераларына түсіп қалған. Көлікте тағы кім болғаны белгісіз.
Мас жүргізушінің кесірінен 560 абонент пәтерінде көгілдір отынсыз қалды. Жаңа ғимаратқа газ құбырын тарту үшін шұңқыр қазылып, ол жерді қоршап қойған екен. Сондай-ақ көлік тас жолды зақымдаған. Төтенше жағдайлар қызметі көмекке келді.
“3 қазан таңғы сағат 6:30-да Мерседес көлігінің жүргізушісі шұңқырға кіріп кеткен. Жол-көлік оқиғасы салдарынан 39 жастағы әйел зардап шеккен жоқ. Сараптама жүргізушінің мас болғанын көрсетті. Хаттама жасалып, сотқа жолданды”, – деп мәлімдеді Ақтөбе облыстық ІІД баспасөз қызметінің жетекшісі Ерболат Сарқұлов.
Еске салсақ, БҚО әкімдігінің қызметкері бірнеше көлік соқтығысқан жол апатына себепкер болған еді.