Бір күн ауру, бір күн сау: Елімізде ЖРВИ «маусымы» басталды

Қыркүйекте республикада жіті респираторлық вирустық инфекцияның 544 мыңнан астам жағдайы тіркелген. Бұл туралы ДСМ Санитариялық-эпидемиологиялық бақылау комитетінің төрағасы Сархат Бейсенова мәлімдеді.

«Жыл сайын республикада ЖРВИ-дың 4-5 млн жағдайы және тұмаудың 2 мыңға дейінгі жағдайы тіркеледі. Министрлік тұмау мен ЖРВИ-дің эпидемиологиялық жағдайына апта сайын мониторинг жүргізеді. Биыл қыркүйекте республикада ЖРВИ-дің 544 368 жағдайы тіркелді. Өткен жылдың қыркүйек айымен салыстырғанда 27 пайызға төмен екені байқалады», - деді Сархат Бейсенова.

Белгілі болғандай, соңғы аптада республикада ЖРВИ-дің 171 532 жағдайы тіркеліпті. Өткен аптамен салыстырғанда ЖРВИ жағдайы 9 пайызға төмендегенін атап өткен жөн.

«Тұмау жағдайлары тіркелген жоқ. Тұмаудан басқа Қазақстанда тұмауға жатпайтын вирустар да таралып жатыр», - деді С. Бейсенова.