RUS
Өнеркәсіп және құрылыс министрлігі басшылығы еліміздегі вагон паркінің ескіруінің жоғары деңгейі байқалатынын жасырмайды. Белгілі болғандай, жүк паркі бөлігінде 2030 жылға дейін 14,3 мың вагон істен шығуы мүмкін екен.
Десе де, министрлік мамандары қол қусырып отырмағанын алға тартып отыр. Жүк вагондарын өндіру бойынша жаңа жобаларды жүзеге асыру көзделген.
Атап айтсақ, биыл «Атырау вагон жасау компаниясы» сұйытылған көмірсутек газдарын, мұнайды, газ конденсатын және жеңіл мұнай өнімдерін, теміржол цистерналарын тасымалдауға арналған платформалар, жартылай вагондар, жабық вагондар өндіру бойынша жұмыстарды жалғастырып жатқан көрінеді. Зауыттың жобалық қуаты жылына 6 мың жүк вагонын құрайды. Бұл бағытта өзге де жобалар жүзеге асып жатқанын атап өткен жөн.