RUS
ҚР Энергетика министрлігі «Қазақстан Республикасы аумағынан мұнай өнімдерін әкетудің кейбір мәселелері туралы» бірлескен бұйрықтың ел аумағынан, оның ішінде Еуразиялық экономикалық одаққа мүше мемлекеттерге мұнай өнімдерін автомобиль және теміржол көлігімен әкетуге тыйым салуды көздейтін 6 ай мерзімге тыйым салуды белгілеу туралы тиісті жобасын әзірледі.
Оған себеп жоқ емес. Бүгінде жанар-жағармай материалдарының ішкі нарықтағы қалдықтары азая бастаған. Атап айтсақ, еліміздің оңтүстік шекаралас аймақтарында жағдай мәз емес. Бұл Қазақстан Республикасында және шекаралас елдердегі мұнай өнімдері бағасының қазіргі айырмашылығымен байланысты екені айтылуда.
Сонымен қатар, құқық қорғау органдарының ақпараты бойынша «бүркемелеу тауарлары» деген атпен бензинді әкетудің белгілі бір схемалары бар.
Жоғарыда аталған бірлескен бұйрықтың жобасы «Ашық НҚА» сайтындажарияланды.