«Буынсыз адам» боп танылған өнерпаз Айдос Тоқтарбай қаза болды

SMARTNEWS.KZ басылымының хабарлауынша, "Буынсыз адам" болып танылған белгілі өнерпаз Айдос Тоқтарбай жасы 40-тан енді асқан шағында қайтыс болды.

Халық арасына "буынсыз адам" деп танылған цирк әртісі Айдос Тоқтарбай қазасы туралы хабарды ҚР Еңбек сіңірген қайраткері, актер Рахман Омар хабарлады.

«Айдос Тоқтарбай бауырымыз мезгілсіз өмірден өтті. Цирк өнерінің шебері», – деп жазды Рахман Омар.

Еске салайық, бұған дейін цирк әртісі «Астарлы ақиқат» бағдарламасына келіп, немен айналысып жүргенін айтқан болатын.

«Пандемия кезінде ауылға барып мал бақтым. Кейін түрлі жобаларға қатыстым. Өзбекстан мен Қытайға барып, өнер көрсеттім. Кейін аяғым мен белімнен жарақат алып, біраз уақыт өнерден қол үзіп қалдым, – деді ол.