RUS
SMARTNEWS.KZ басылымының хабарлауынша, Семейде шағынаудандардың бірінде сағат күндізгі 12.00 шамасында жанып жатқан қоқыс жәшігінен нәресте табылды.
Бұл туралы ақпарат Instagram желісінде пайда болды. Ондағы мәліметке сүйенсек, шақалақ шұғыл түрде ауруханаға жеткізіліп, жансақтау бөліміне жатқызылған.
Нәрестенің дүниеге келгеніне шамамен небәрі бір күн болған екен. Оның денесінің 80 пайызын күйік шалған.
Өкінішке қарай, шақалақ жансақтау бөлімінде қайтыс болған. Бұл туралы балалар омбудсмені Динара Зәкиева желі парақшасында жазды.
Қыз бала сағат 19.40-та қайтыс болды. Оның денесінің 80 пайызын күйік шалған. Бала құқықтары жөніндегі уәкілдің өңірлік өкілі және облыс прокуратурасымен байланыста отырмын,-деп жазды Динара Зәкиева.
Аталған факті бойынша сотқа дейінгі терегу басталды.