RUS
Бүгінде темір тордың ар жағындағы азаматтар жұмысқа тартылып, түрлі заттар өндіріп жүр.
Мәселен, Павлодардағы №46 мекемеде қойдың майынан халал сабын өндірісі мен Tauba бренді бойынша спорттық костюмдер тігетін бірегей жоба іске қосылған.
Аталған жоба сотталғандар үшін жаңа жұмыс орындарын құрып қана қоймай, жергілікті өндірісті қолдау мен тұрақты дамуға бағытталған.
Табиғи қоспалардан дайындалған кір сабын халал стандарты талаптарына толық сәйкес келетінін атап өткен жөн. Сәйкесінше, тұтынушылар арасында сұранысқа ие болады деген сенім зор. Ал Tauba бренді бойынша тігілетін спорттық костюмдер сапа мен стильді үйлестіріп, сотталғандарға өз шығармашылық қабілеттерін көрсетуге де мүмкіндік беріп отыр.
Өндірілген өнімдер жергілікті және ұлттық нарықтарда қолжетімді болады. Бұл сотталғандардың еңбекке орналасу және өзін-өзі жүзеге асыру мүмкіндіктерін арттырмақ.