RUS
SMARTNEWS.KZ басылымының хабарлауынша, әлеуметтік желілерде #ЗаШерзата хэштегі бар ауқымды флешмоб басталды. Қазақстандық жасөспірімнің фотосын жаппай бөлісіп жатыр.
Осы уақытқа дейін Шерзаттың суреті қойылған хэштегті 700 мыңға жуық желі қолданушысы бөліскен. Осылайша қазақстандықтар Шерзат Болат өліміне кінәлі қылмыскерлерді заң аясында жазалауды талап етиіп жатыр.
Сондай-ақ TikTok желісінде Шерзаттың өлімі туралы ағылшын тілінде де бейнежазбалар тарап, ашық сотты талап етушілердің қатары көбейді.
Еске салайық, 16 жастағы жасөспірімді 4 қазан күні қаруланған бір топ адам өлтіріп кеткен еді. Шиеленіс Шерзаттың әкесінің дүкенінде басталған. Бір бөтелке сыраға ақша төлегісі келмеген ер адам, жасөспірімнің әкесін балағаттаған. Оған шыдамаған Шерзат оны ұрып жібереді де, артынан кешірім сұрайды.
Алайда ер адам қоңырау шалып, оқиға орнына таныстарын шақырады. Олардың арасындағы дау үлкен төбелеске ұласып, салдарынан жасөспірім қаза тапқан еді. Төбелеске 13 адам қатысқан, бірақ жеті адам қамауға алынып, тергеу жалғасып жатыр.