RUS
Қырғызстан президенті Садыр Жапаров «Жерлеу және жерлеу рәсімдері туралы» заңды іске асыру жөніндегі шаралар туралы жарлыққа қол қойды.
Жаңа заңға сәйкес, мұсылмандар арасында жерлеу рәсімдері бір стандартқа негізделеді. Қырғызстан мұсылмандары діни басқармасы марқұмды жерлеу рәсімдері, оның басына қабір салу, ескерткіш орнату рәсімдерін реттеу үшін арнайы пәтуалар шығарады. Мәселен, аталған заңның 22-бабына сәйкес, зиратқа тастан, граниттен, мәрмәрдан, металдан жасалған ескерткіш, мүсін, құлыптастар қоюға рұқсат жоқ. Мұндай белгілерді тек тарихи-мәдени маңызы бар зираттарға қоюға рұқсат етіледі.
Сондай-ақ, бейіт биіктігі 70 сантиметрден аспауы тиіс. Бұл қоғамда зәулім бейіттер салып кеткен теріс үрдісті жою үшін қолға алынғанын атап өткен жөн.