RUS
HONOR жаһандық технологиялық бренді Google-мен ынтымақтастықта HONOR 200 смартфондар сериясында жоғары өнімділігімен және студиялық сападағы портреттік фотосуреттің теңдессіз деңгейімен ерекшеленетін Circle to Search функциясын іске қосу туралы жариялады. Жаңа функция әрбір пайдаланушыға интуитивті және ыңғайлы іздеуді қамтамасыз ете отырып, жасанды интеллект саласындағы соңғы жетістіктерді пайдалануға мүмкіндік береді.
«Жасанды интеллект саласындағы жаңа жетістіктер біздің жұмысқа, оқуға, сатып алуға, шығармашылыққа және құрылғылармен өзара әрекеттесуге деген көзқарасымызды түбегейлі өзгертеді. Бүгінгі таңда, егер сізге аудармамен, үй тапсырмасын орындаумен көмек қажет болса немесе сіз жай ғана әлеуметтік желілерде көрген кескін туралы көбірек білгіңіз келсе, ақпаратты іздеудің басты құралы – бұл сіздің смартфоныңыз», — деп атап өтті HONOR CEO Джордж Чжао. «Адамға бағдарланған бренд ретінде HONOR компаниясы жасанды интеллект технологияларын әркімге қолжетімді етуге ұмтылады. Google-мен тығыз ынтымақтастығымыздың және смартфондарымызда Circle to Search функциясын іске қосудың арқасында біз күнделікті өмірде жаңа жайлылық деңгейін қамтамасыз ете отырып, пайдаланушыларға ақпаратқа жылдам және ыңғайлы қол жеткізу үшін жаңа мүмкіндіктер ұсынамыз».
Circle to Search функциясы пайдаланушыларға Google-дың көмегімен кез келген ақпаратты смартфоннан бірден табуға мүмкіндік береді. Мәтінді, кескінді немесе бейнені таңдау үшін және қолданбалар арасында ауысу қажеттілігінсіз, көбірек ақпарат алу үшін, жай ғана экранның кез келген бөлігін қоршап алыңыз, белгілеп алыңыз, белгі қойыңыз немесе басыңыз. Circle to Search функциясышабыттандыратын контент іздеуді одан да оңай әрі ыңғайлы етеді.
HONOR компаниясының жасанды интеллект саласындағы жолы: жасанды интеллекттің кешенді және жауапты экожүйесін құру
Болашақты қалыптастыруда жасанды интеллекттің маңыздылығын сезіне отырып, HONOR компаниясы жасанды интеллектті стратегиялық басымдық ретінде бұрыннан атап келеді. Зерттеулер мен әзірлемелерге үнемі инвестиция сала отырып, сондай-ақ индустрия бойынша жетекші әріптестермен белсенді ынтымақтастық жасай отырып, HONOR компаниясы бүкіл әлем бойынша миллиондаған пайдаланушыларға инновациялық шешімдер ұсына отырып, өз құрылғыларында жасанды интеллект экожүйесін жетілдіруге ұмтылады. Биыл компания бүкіл сала үшін бағдарға айналған және пайдаланушылардың тәжірибесін жақсартуға арналған төрт деңгейлі жасанды интеллект сәулетін ұсынды. Құрылғыларда және бұлттар аймағында жасанды интеллектті біріктіретін гибридтік тәсілді ұстана отырып, HONOR компаниясы көп деңгейлі қауіпсіздік жүйесін және бұлтты жасанды интеллект сервистерімен өзара әрекеттесу кезінде деректердің сенімді қорғалуын әрі құпиялылықты қамтамасыз ететін HONOR Personal Cloud Compute бұлтты платформасын әзірледі.
Өзінің басымдықтарына сәйкес HONOR компаниясы саладағы алғашқы AI Defocus Eye Protection технологиясын (қос фокустық көзілдірік киюді имитациялау үшін жасанды интеллект алгоритмдерін пайдаланатын, көру қабілетін қорғау технологиясын) және AI Deepfake Detection Anti-Fraudтехнологиясын (цифрлық манипуляцияларды және генерацияландырылғанбейнелерді анықтау жүйесін) енгізді, олар денсаулық пен қауіпсіздіктің өзекті мәселелерін шешуге көмектеседі. Сонымен қатар, MagicOS 8.0.1-де жұмыс істейтін HONOR құрылғылары пайдаланушы мен құрылғы арасындағы өзара әрекеттесуді жаңа сапалы деңгейге шығаратын және пайдаланушылар үшін барынша қолайлылықты қамтамасыз ететін, Magic Portal және Magic Capsuleинтуитивті функцияларын ұсынады.