RUS
Бұл туралы Африкадағы ауруларды бақылау және алдын алу орталығының басшысы Жан Касея мәлімдеді.
«Біз бұл індетпен күресуді жалғастырамыз және оның Африканың барлық елдеріне таралуын қаламаймыз. Біз бұл дертпен күресті күшейту үшін құр уәде бере берей, нақты қаржылай көмек көрсетуге көшуіміз керек», - деді ол.
Африка орталығы мен Дүниежүзілік денсаулық сақтау ұйымы ұсынған алты айлық жоспардың болжамды бюджеті шамамен 600 млн долларды құрайды, қазіргі кезде оның 55 пайызы бөлінген.
Замбия мен Зимбабве осы аптада маймыл шешегі ауруын растады, ал Кенияда вирустан болған өлімнің алғашқы жағдайы тіркелді. Руанда мен Конго Демократиялық Республикасында вакциналау басталды.
Тамыз айында Дүниежүзілік денсаулық сақтау ұйымы Африкадағы маймыл шешегі індетін жаһандық денсаулық сақтау саласындағы төтенше жағдай деп жариялап, аурудың ошағы Конго Демократиялық республикасында екенін атап өтті. Жыл басынан беріАфрикада ауру жұқтырудың 42 мыңнан астам жағдайы тіркелді.