RUS
SMARTNEWS.KZ басылымының хабарлауынша, елімізде электр көліктерін үйінде қуаттайтын жүргізушілерге айыппұл салынады. Электромобильдерді пайдалану бойынша жаңа түзетулер қыркүйек айында күшіне енді. Аталған жайт туралы 31 арнаның “Информбюро” бағдарламасы жеткізді.
Данияр Ақатаев өзінің электр көлігін электр қуаттау станциясының көмегімен үйінде қуаттайды. Ер адамның айтуынша, станцияның максималды қуаты 7 киловатт. Электрокар 3-4 күнде қайта зарядтауды қажет етеді. Ал нөлден 100%-ға дейін батарея шамамен 10 сағат зарядталады.
“Негізінен, біз оны қуат көзіне түнде қалдырамыз. Жеке секторда тұрамыз және үйде қуаттау ыңғайлы, бағасы тиімдірек. Қажет болса, құжаттама бойынша толығымен заңдастырамыз”, –деді Данияр.
Энергетика министрлігі егер қуат жеткілікті болса, электромобильді қуаттау рұқсат етілгеннен аспаса және есептегіштер дұрыс болса, иелері қосымша келісімдерсіз-ақ қуаттай алады. Ал егер бұл мүмкіндік жоқ болса, желілерді жаңарту және жаңа техникалық шарттар қажет болады.
“Егер құрылғы күші жетпей жатса, жаңа техникалық шарттарды алу керек. Желіңізді күшейтіп, үйде электр зарядтау станциясы болса, тұрмыстық емес тұтынушы ретінде тиісті келісім-шарт жасасу қажет”, – деді ҚР ЭМ электр энергетикасын дамыту департаменті басқармасының басшысы Әлімжан Тұрар.
Сарапшылар бұл шараны қажет деп санайды. Өйткені электр тапшылығы өсуде. Зарядтау станцияларын электр желілеріне қосу желілердің шамадан тыс жүктелуін болдырмау үшін техникалық талаптарды сақтауды талап етеді.