RUS
Иә, шетелдік хоккейшілердің іс тындырып жүргені шамалы. Ал, айлығын естісең... 332 миллион теңге! Жанкүйерлердің наразылығынан кейін бе әлде «Барыстың» ұтыла бергені өздеріне де абырой әкелмейтінін білді ме екен, министрлік клуб басшылығын ауыстырды. Жаңа қызметке Нұрлан Оразбаев тағайындалып, ол іске кірісе сала легионерлермен келісімшартты бұзуға көшті. Ол солтүстікамерикалық хоккейшілерге мұқтаж емес екенін ұқтырды.
Сөйтіп, ресейлік Даниил Апальков пен белорус Владислав Кодола, 332 миллион теңге жалақы алатын Майкл Маклауд, сондай-ақ, Натан Болие, Уилл Батчер, Алекс Грант, Чейз Де Лео, Си Джей Смит, Уэйд Эллисонмен келісімшарт тоқтады.
Нұрлан Оразбаев шетелдік ойыншылармен келісімшартты бұзу команданы сақтап қалудан оңай әрі үнемді екенін алға тартып отыр.
«Біз Даниил Апальков және Владислав Кодоламен келісімшартты үздік. Соныменқатар, солтүстікамерикалық легионерлермен келісімшарт бұзылғаны туралы туралы олардың агенттеріне хабарлама жібердік. Қатарда тек Маттссон, Бурдасов, Николишин, Жафяров, Сетдиков, Бочаров, Камалов, Антипин және Хохлов қалды. Басқа ойыншылардың барлығы – ұлттық құрамаға үміткерлер, өз шәкірттеріміз», - деді Оразбаев журналистерге арналған баспасөз мәслихатында.
Жаңа басшылық келгеннен кейін «Барыс» тағы ұтылды. Бірақ азулы қарсыласқа барынша төтеп берді. Ойсырай ұтылмады. Көп соққы жасады. Легионерлермен қош айтысу қаншалықты оң нәтиже әкелерін уақыт көрсетер. Не десек те, «Барыс» үшін жүлденің ауылы әлі алыс сияқты.