Алдағы 4 жылда елімізде қанша су қоймасы салынады?

Белгілі болғандай, еліміздің су ресурстары әлеуетін дамыту және басқару жүйесін жаңғырту мақсатында Су кодексінің жобасы әзірленген Құжат Парламент Мәжілісінің қарауында жатыр. Еліміздегі су ресурстарын сарқылудан және ластанудан қорғауға, суды үнемдейтін заманауи технологияларды енгізуге және су саласындағы құқық бұзушылықтар үшін жауапкершілікті күшейтуге баса назар аударылды. 

Қазақстан Республикасы су саласын дамытудың 2024 – 2028 жылдарға арналған кешенді жоспары шеңберінде 42 жаңа су қоймасын салу, 37 гидротехникалық құрылысты реконструкциялау, сондай-ақ 14 мың шақырымға жуық суару арналарын салу және реконструкциялау көзделген. Бірінші кезеңде 2025 жылдан бастап 11 жобаны салу және реконструкциялау, алты облыстағы 3452 шақырым ирригациялық арналарды жаңғырту және Астана қаласын толықтыру үшін құрылыс салу көзделген.