RUS
SMARTNEWS.KZ басылымының хабарлауынша, АҚШ президенттігіне кандидат Камала Харрис сәрсенбі күні сайлаушылармен кездесуде қарсыласы Дональд Трампты фашист деп санайсыз ба деген сұраққа «иә» деп жауап берді. Бұл туралы Kazinform жазды.
«Иә, мен солай ойлаймын. Мен сондай-ақ оның осы жағын жақсы білетін адамдарға сену керек деп ойлаймын», - деп жауап берді Харрис залдан түскен сұраққа.
Харрис Трампты жақсы білетін адамдар туралы айтқанда, ол президент Трамптың бұрынғы аппаратының басшысы Джон Келлиді меңзеген болуы мүмкін. Ол сейсенбіде екі сұхбатында Дональд Трампты фашист деп атады.
Келли The New York Times газетіне берген сұхбатында Трамптың басқаруда диктаторлық көзқарасты жақтайтынын және оның көзқарастары «фашизмнің жалпы анықтамасына сәйкес келетінін» айтты.
Тhe Atlantic басылымына берген сұхбатында Келли баспасөзде тағы толықтырды: оның айтуынша, Трамп бір кездері нацистік генералдар Адольф Гитлерге бағынғанындай, қызметкерлерінің де оған сөзсіз бағынғанын қалайтынын айтқан.