RUS
Қыс – қыр астында. Сәйкесінше, қазір ауылдағы ағайынның амандасуы көмірдің әңгімесінен басталады. Бұл мәселені баянауылдық қоғам белсенділері де көтеріп, құзырлы органдарды құлағдар етуге кіріскен.
Баянауыл ауылының тұрғыны, қоғам белсендісі Айбат Ыдырысов «табанымыздың астынан шығатын көмір бағасы халық үшін тым қымбат» деп тұрғындардың жан айқайын жеткізді.
«Баянауылдың басында Зил жүк көлігігімен 6.9-7 тонналық Майкөбе көмірі 110.000 теңгеден асып жығылады. Былтыр Баянауылдың депутаттары Арман Рахмашев, Самат Мақажанов, Даржуман Солтаналин төртеуміз Екібастұз қаласында ҚР Энергетика министрі Алмасадам Майданұлымен жолыққанымызда осы мәселені көтергенімізде жарылқамайтынын анық аңғартқан еді. Мемлекеттің тілін білмейтін адам, мемлекетке жаны ашиды деу артықтау болар. Бағаны кім реттейді? Біздің жақта бұл мәселені шешуге ешбір әкімнің қауқары жоқ», - дейді ол.
Айбат Ыдырысов өзінің әлеуметтік желідегі парақшасына ауыл тұрғындарының чаттардағы диалогын салыпты. Онда тұрғындар: «Жалақымыз 83 мың, көмір алуымыз үшін балаларға 2 ай тамақ жегізбеу керекпіз» деп көмір бағасының тұрғындар үшін тым қымбат екенін алға тартып отыр.
Қоғам белсендісі бұл мәселені жергілікті әкімдер шешуге құлықсыз деген соң әкімдікке хабарласып, уақыт жоғалтпайық деп шештік. Көмір кеніші басшылықтарына хабарласып көріп едік, байланыса алмадық. Павлодар облысы әкімдігі бұл мәселеге қатысты не айтар екен?