RUS
Жанар-жағармай бағасы көтерілсе, азық-түлік бағасы да өседі деген сөз. Бұл мәселеге қатысты Премьер-Министрдің орынбасары Серік Жұманғарин пікір білдірді.
«Бензин бағасы өседі деген ақпарат берген жоқпын. Жалпы, өзімнің жұмыс тәжірибеме сүйене отырып айтарым, бензин азық-түлікке көп әсер етпейді. Себебі азық-түлікті тасымалдауға негізінен дизель отыны ықпал етеді, яғни дизельдің бағасы өссе, бұл өз кезегінде әсерін тигізеді. Бірақ дизель отынының әсері де соншалықты көп емес», - деді С. Жұманғарин Парламент Мәжілісінде тілшілер сұрағына жауап бере отырып.