RUS
«Жыл басынан бері бөтен тауар белгісін заңсыз пайдалану дерегі бойынша кәсіпкерлік субъектілеріне 216 тексеру жүргізілді. Оның нәтижелері көрсеткендей қолданыстағы заңнаманы бұзудың 196 фактісі анықталды. 175 субъект әкімшілік жауапкершілікке тартылып, мемлекетке 14 миллион теңгеден астам айыппұл өндірілді. Азаматтық айналымнан жалпы сомасы 102 млн теңгеден астатын 320 мың контрафактілік өнім тәркіленді», - деді Әділет министрлігінің ресми өкілі Талғат Уәли ведомствоның баспасөз мәслихатында.
Мәселен осы жылдың 28 тамызында Алматы қалалық Әділет департаментінің қызметкерлері «HUGO BOSS» сауда белгісін заңсыз пайдаланып, контрафактілік тауарларды сатып келген саудагерді әшкерелеген. «HUGO BOSS» компаниясы өкілінің өтініші бойынша, Алматыдағы сауда базарларының бірінде ерлер киімін көтерме бағада сатумен айналысқан жеке кәсіпкерге жоспардан тыс тексеру жүргізілді.
Тексеру барысында «HUGO BOSS» тауар белгісін заңсыз пайдалану фактісі расталды. Нәтижесінде жалпы сомасы 1,5 млн теңгеден асатын 1600 контрафактілік тауар тәркіленді. Белгілі болғандай, кәсіпкер жалған өнімді нарықтағы түпнұсқаның бағасынан 300 пайыз төмен бағамен бүкіл Қазақстан аумағында таратып келген.