RUS
SMARTNEWS.KZ басылымының хабарлауынша, мәжілістің кулуарында бас прокурордың орынбасары Ғалымжан Қойгелдиев Талғардағы Шерзат Болаттың өліміне қатысты жүргізіліп жатқан істің мән-жайын айтты.
Талғардағы адам өліміне қатысты тергеу барысы толықтай бақылауда. Өздеріңіз білетіндей, барлық тұлға ұсталды, оларға бірқатар айып тағылды. 15 қазан күні ішкі істер министрінің бірінші орынбасары мен Алматы облыстық прокурорының қатысуымен брифинг өтті. Тергеу барысы толық баяндалды.
Бір айтарым, қайтыс болған баланың әкесіне қатысты іс қозғалған жоқ. Өртке қатысты іс те тергеліп жатыр, сараптама тағайындалды, - деді ол.
Бұған дейін ІІМ іс Қылмыстық кодекстің бес бабы бойынша тергеліп жатқанын алға тартқан. Сондай-ақ Әділет министрлігінің ресми өкілі Талғат Уәли марқұм Шерзат Болаттың өліміне қатысты 5 түрлі сот-медициналық сараптама тағайындалған.
Атап айтар болсақ, сот-медициналық сараптама, өрттің себебін анықтау бойынша сараптама, фототехникалық сараптама, молекулалық-генетикалық сараптама және биологиялық сараптама. Қазіргі таңда сараптамалардың үшеуі аяқталып, құқық қорғау органдарына берілген, қалған екеуі әлі зерттеу сатысында.