RUS
Тұрғындар электр тогымен қамтамасыз етіп отырған «Энергосистема» ЖШС-і қандай да бір хабарлама берместен ажыратып тастаған.
- Біздің трансформатор қалалық тұрғын үй-коммуналдық шаруашылық бөліміне қарайды. Ал ішкі электр желісін жеке-жеке шығарып, әрқайсысы бөлек төлейтін етіп қарастыруды талап етеміз. Бүгін біз 8 сағатқа жуық жарықсыз отырдық. Алдын ала хабарламады, сырттан сөндірген. Біз жөндеу жасап жатыр деп ойладық. 80 мың деп айттық арыз. Ол көп ақша емес. Келер айда да жабылар еді ғой. Күз салқын, қыс түседі енді,- дейді Сайлаубек Серіков.
Ақтөбе қаласы Жиенбаев көшесіне жиналған жұртқа полиция мен Алматы ауданы әкімдігінің өкілі келді.
- Қазіргі таңда қала әкімі «Энергосистема» ЖШС басшысына хабарласып, мәселені анықтады. Олардың айтуынша, тұрғындардың қарызы бар екен. Тұрғындар 82 мың деп тұр. Жылыту маусымы кезінде жарықты сөндіруге болмайтыны айтылды. Егер сөндірсе, заң аясында шара қолдануға тура келеді. Аяздың кезінде өшірген дұрыс емес,- деді Алматы ауданы әкімінің орынбасары Ануар Жаңбыров.
Сөйтіп, жарық кеше сағат 21:00 шамасында жанған. Тұрғындар өз арасынан саяжайға жауапты төраға сайлап, бүгін әкімдікпен бірге электр желісін балансқа алу жөніндегі мәселені шешуге тырыспақ.