RUS
ҚР ІІМ Ұлттық ұланының "Батыс" өңірлік қолбасшылығының 6656 әскери бөлімінің әскери қызметшісі кіші сержант Қайрат Шырақбаев жол-көлік оқиғасының куәгері болып, зардап шеккендердің көмегіне бірінші болып келді.
Оқиға 31 қазан күні сағат 14:40 шамасында Ақтау қаласының 22 шағын ауданында болған. Chevrolet Aveo көлігінің жүргізушісі жаяу жүргіншіні қағып кетеді. Сол маңда жүрген кіші сержант Шырақбаев апатқа куә болды.
Ол уақыт жоғалтпастан, бірден көмекке асықты. Оқиға орнына бірден жедел жәрдем мен полиция қызметкерлерін шақырады.
— Жағдайды бағалай отырып, мен зардап шеккендерге дереу алғашқы медициналық көмек көрсеттім. Жедел жәрдем келгенге дейін азаматша өз-өзіне келді, - дейді ұландық сержант.
Осылайша, құқықтық тәртіп әскері сержантының жедел және кәсіби іс-қимылдарының арқасында апаттың ауыр зардабына жол берілмей, зардап шеккен адам жедел жәрдемнің медициналық қызметкерлеріне тапсырылды.