RUS
SMARTNEWS.KZ басылымының хабарлауынша, Сауд Арабиясының астанасы Эр-Риядта өтіп жатқан WTA (Women's Tennis Association) қорытынды қорытынды турниріне маусымдағы нәтижелер бойынша іріктелген әлемнің ең мықты деген сегіз теннисші ғана жолдама алған еді.
2 қараша күні бастау алған қорытынды жарысқа жолдама алғандардың қатарында еліміздің 1-ракеткасы, ал әлемнің 5-ракеткасы Елена Рыбакина болды.
Өте беделді саналатын WTA қорытынды турниріне қатысу мүмкіндігі – Рыбакинаның мансап жолындағы осымен екінші рет қол жеткізе алған жолдамасы. Сондықтан бұл жарыс оның карьерасы үшін айтарлықтай аса маңызды деуге негіз бар.
Сонымен күлгін топ құрамында өнер көрсететін Елена Рыбакинаның қарсыластары боп белгіленгендер:
1. Италия – Жасмин Паолини (4-ракетка)
2. Қытай – Чжан Цинвэнь (7-ракетка)
3. Беларусь – Арина Соболенко (1-ракетка)
Бұлардың ішінде Рыбакинаның алғашқы қарсыласы италиан Жасмин Паолини (4) болды. 1 сағат 44 минутқа созылған тартысты жарыстың есебі 6:7 (5:7), 4:6 болып, жеңіс италиан қыздың еншісінде қалды.
Енді Елена Рыбакина ертең, 4 қарашада қытай теннисшісі Чжэн Циньвэньге (7) қарсы бақ сынайды. Қытай теннисшісі беларусь Арина Соболенкодан (1) жеңіліп қалған еді.
Егер Рыбакина қытай қарсыласынан айласын асыра алса, онда жеңіске қандай да бір үміт бар деуге болады. Себебі әр топтан үздік шыққан екі ойыншы ғана жартылай финалға жолдама алады.