RUS
Атап айтсақ, өңірдің 42,5 мың тұрғыны суды тасып ішіп немесе жергілікті су көздерін пайдаланып жүр. Бұл мәселе СҚО прокуратурасында заңдылықты, құқық тәртібін және қылмысқа қарсы күресті қамтамасыз ету жөніндегі үйлестіру кеңесінің отырысында көтерілді.
Белгілі болғандай, өңірдегі 42,5 мың тұрғыны бар 202 ауылда су құбыры жоқ, облыстағы бар су құбыры 35% тозған. Соның ішінде Петропавлда су беру желісі 58%, Ақжар ауданында 49% және Аққайың ауданында 43% ескірген.
Прокурорлардың айтуынша, сумен жабдықтаудың жекелеген көздері иесіз тұр, кейбірі санитарлық нормаларға сәйкес келмейді, суды тұтынуға бекітілген тарифтер жоқ. Сондай-ақ кей су беру нысандары сапасыз салынған, не болмаса жөнделген, кейбірінде қалпына келтіру ұзаққа созылып кеткен.
Санитарлық нормаларға сәйкес келмейтін су көздерін пайдалану тұрғындардың денсаулығына зиян екені айтпаса да түсінікті. Жыл аяқталды. Жергілікті әкімдік келесі жылы ауыз су мәселесін шешуге қаншалықты көңіл бөліп отыр екен?