Мемлекет басшысының құрметіне орай Франция Президенті Елисей сарайында мемлекеттік қабылдау өткізді.
Қасым-Жомарт Тоқаев Эмманюэль Макрон мен оның зайыбы Бриджит Макронға қазақ делегациясына ерекше қонақжайлық көрсеткені және достық пейілдері үшін ризашылық білдірді.
Сурет: Aqorda
Мемлекеттік қабылдауға Францияның Үкімет мүшелері, белгілі саясаткерлер, іскерлік топ, ғылым және дипломатия өкілдері, сондай-ақ екі елдің көрнекті мәдениет және спорт қайраткерлері шақырылған.
Суреттерден қазақстандық дзюдошы, 2024 жылғы Олимпиада чемпионы Елдос Сметовты көруге болады.
Сурет: Aqorda
Сонымен қатар, қабылдауға 2024 жылғы Паралимпиада ойындарының жеңімпазы болған пауэрлифтер-паралимпиадашы Дэвид Дегтярев келген.
Сурет: Aqorda
Сонымен қатар іс-шараны әлемге әйгілі әнші, Қазақстанның Халық әртісі Димаш Құдайберген өз көзімен көргенін де айта кету керек.
Сурет: Aqorda
Мемлекеттік қабылдау аяқталғаннан кейін Эммануэль Макрон Қасым-Жомарт Тоқаевқа үстел теннисінен Париж Олимпиадасының қола жүлдегері Алексис Лебренді таныстырған.
Фотосуреттерде олардың партия ойнағанын байқауға болады.
Сурет: Aqorda
