Оралдық келіншек бұрынғы күйеуін өлтіру үшін 2 млн теңгеге киллер жалдаған

Аиса Махамбет Редактор
06.11.2024, 17:49
1347
Оралдық келіншек бұрынғы күйеуін өлтіру үшін 2 млн теңгеге киллер жалдаған коллаж smartnews.kz

Күйеуі бұрынғы әйеліне арыз жазудан бас тартты. Белгілі болғандай, отбасы болған уақытта Еркебаев өз әйелін жиі ұрып-соғатын болған.

SMARTNEWS.KZ басылымының хабарлауынша, Оралда 40 жастағы әйел өзінің бұрынғы күйеуін өлтіру үшін 2 миллион теңге беріп адам жалдаған. Полицейлер қылмыстың алдын алды. Алайда сотта оның күйеуі арызданудан бас тартып, әйелді босатуды өтінді. Аталған жайт туралы Астана арнасының жаңалықтар қызметі жеткізді.

Іс Орал қаласының мамандандырылған ауданаралық қылмыстық сотында қастандық жасау әрекеті бойынша қаралды. 

40 жастағы Эльвира Еркебаева күйеуі Ербол Еркебаевты өлтіргісі келген. Кейін өзінің 33 жастағы танысы Максим Кузнецовтан қару қолданып, кісі өлтіре алатын адам тауып беруін өтінген. Ол бұл қызметке 2 миллион теңге ұсынған. 

Ал Кузнецов бұрын сотталған досы Галиевке осы ұсынысты айтқан. Ол келіскенімен барлығын полицияға айтып отырған. 

"Кісі өлтіру" Ақсайдағы "Бейбарыс" спорт кешенінің аумағында жоспарланады. Кузнецов Галиевке 1,3 миллион теңге, терезе жақтауын бұзуға арналған бұрағыш, қолғап, медициналық маска мен көзілдірік береді. Ал 26 ақпанда Галиев Ербол Еркебаевты өлтіргендей жалған әрекет жасайды. Содан кейін полицейлер Эльвира Еркебаева мен Кузнецовты ұстайды.

Алайда сотта әйелдің күйеуі өзін жәбірленуші деп санамайтынын мәлімдеді және бұрынғы әйелін жіберуді өтінді. Тіпті оған өтініш жазбағанын атап өтті.

“Мен жәбірленуші емеспін. Әйеліме ешқандай шағымым жоқ. Жалпы, сот оларды дәл қазір босатсын. Ажырасу – бұл жай ғана қағаз. Мен үшін бұл ештеңе білдірмейді. Эльвира менің әйелім және солай болып қалады”, - деді Еркебаев.

Еркебаев Эльвирамен арасында мүлікке талас сияқты шағымдардың болмағанына сендірді. Сондай-ақ ол бір жылдан бері бұрынғы жарын көрмегенін мәлімдеді. 

“Ол таблетка ішіп, өз-өзіне қол жұмсағысы келді. Жедел жәрдем оны аман алып қалды. Бірақ ол үйге оралмады”, - деді жәбірленуші.

Бұдан кейін сотталушы жылады. Эльвираның анасы да көз жасын ұстай алмады. Ол бұрынғы күйеу баласының қызын жиі ұрып-соғатыны, бірақ қызының мұны туыстарынан жасырғанын жеткізді.

“Біз бір подьезде тұрамыз. Тек олар үстіңгі қабатта. Мен олардың пәтерінен қатты шуды естіп, не болып жатқанын білу үшін үйлеріне бардым. Эльвира есікті ашты, бәрі жақсы екенін айтты, күйеуі бір таныстарына ұрысып жатқанын айтты. Бірақ қатты шу тағы қайталанғасын бір күні учаскелік бөлімшелерді шақырдым. Өйткені мен қызым мен немерелерім үшін қатты қорқып кеттім. Олар келді, бірақ көмектесе алмады. Тек сөйлесіп, кетіп қалды. Ол мүгедек болса да, (екі аяғы жоқ) өте күшті. Өйткені ол спортпен айналысады”, — деді Элвираның анасы.

Сотталушының әпкесі де Элвираның күйеуінің бұрын қылмыспен байланысы болғанын хабарлады. Ол өте қатыгез және ашулы адам.

“Соңғы рет өз-өзіне қол жұмсап, әпкем аман қалған кезде кетіп бара жатқанында күйеуі көліктің дөңгелектерінің астына жүгірді. Оны уақытында тоқтатты”, - деді Эльмираның әпкесі Еркебаева.

Сот жалғасады. Сотталушылар 99-баптың 2-бөлігінің 7-тармағы бойынша - "адамдар тобы алдын ала сөз байласу арқылы жасаған “кісі өлтіру" бойынша айыпталады. Олар 20 жылға немесе тіпті өмір бойына бас бостандығынан айырылуы мүмкін. 

Рим папасы Путин мен Зеленскийге келіссөзді Ватиканда өткізуді ұсынды Атыраулық еркек бес жыл бойы өгей қызын зорлап келген «Соғыс тоқтамайды»: Украина мен Ресей арасындағы келіссөз екі сағатқа да созылмады Путин Қасым-Жомарт Тоқаевты туған күнімен құттықтады Ақтөбеде бизнесмендерді бопсалаған «Антикор қызметкері» ұсталды Бүгін бірнеше өңірде ауа райына байланысты ескерту жарияланды «Қыздың бәрін ғашық қылған»: Тамара Асар тәлімгер Мұхамеджан Тазабектің серілігін айтты (ВИДЕО) «Мәдинаға келіп-кетіп жүретін»: марқұм әншіге Болат Назарбаев зәулім үй сыйлағаны белгілі болды Free Fire алаяқтығы: Шымкенттік оқушы «үздік» ойын аккаунты үшін 2 миллион теңгеден айырылған Назарбаев мектебіне түскен оқушы қуаныштан жылап қалды (ВИДЕО) «Шоколад орнына телефон»: Павлодардағы түрмеге телефон жасырып кіргізбек болған Астанада жеңіл көлік жолдан өтіп бара жатқан баланы қағып кетті Жапонияда қылмыстық топ құрған өзбек жігіттер ұсталды (ВИДЕО) Ұлыбритания Ресейге қарсы санкцияларды күшейтуге шақырды «Шерзатты шатастырып ұрып кетіппін»: Сотта күдікті Белқожаев жауап беріп жатыр «Көзінің ішінде оқ бар»: Ақтауда 11-сынып оқушысын жасөспірімдер атып кетті «Келесі күні мектепке бардым»: Айыпталушы жасөспірім Шерзаттың отбасынан кешірім сұрады Танымал балуанның үйінде құлдықта болдым деген Мұқанның ісі тоқтатылды «Ақшаны алмадым»: Жамбылдық әйел асырап алған баласын оқтаумен ұрған Трамптың он бірінші немересі дүниеге келді