RUS
SMARTNEWS.KZ басылымының хабарлауынша, кәсіпкер Zeekr 001 көлігін сыйлай отырып, еліміздің намысын қолдан бермеген Нұрқожа Қайпановқа қолдау білдірді.
Жақында ғанае ркін күрестен Тиранада өткен әлем чемпионатында алтыннан алқа таққан Нұрқожа Қайпановқа меценат кәсіпкер Ерлан Қожасбай көлік берді. Ол спортшыға қолдау білдіріп, демеуші ретінде “Zeekr 001” көлігінің кілтін ұстатты.
"Әлем чемпионы атануыңмен құттықтай отырып, өзіңе, бапкерлеріне алғыс білдіремін. Осы жолда аянбай тер төгіп жүрсің. Оған өзім де куәмін. Біздің күрес академиясының шәкірті екеніңе мақтанамыз. Өзімнің, "Сәду-Аренаның" атынан сыйлық бергіміз келеді", - деді Ерлан Қожасбай.
Айта кетейік, Нұрқожа әлем чемпионатында бес белдесу өткізіп, барлығын айқын басымдықпен ұтты. Финалда жапон балуанын 6:3 есебімен жеңіп, Қазақстан еркін күрес тарихындағы екінші әлем чемпионы атанды.